काठमाडौं । नेकपा (माओवादी केन्द्र) को केन्द्रीय समिति बैठक सुरु भएको छ । आइतबारबाट काठमाडौंमा सुरु भएको केन्द्रीय समिति  बैठकमा पूर्वउपराष्ट्रपति नन्दकिशोर पुन पनि सहभागी भएका छन् । उनी यसअघि पनि पार्टी बैठकमा सहभागी भएका थिए ।

अध्यक्ष पुष्पकमल दाहाल प्रचण्डले बैठकमा राजनीतिक प्रतिवेदन पेस गर्दैछन् । त्यसअघि अध्यक्ष प्रचण्डले पछिल्लो राजनीतिक अवस्थाबारे ब्रिफिङ गर्ने कार्यक्रम छ ।

यसअघि आजै बिहान स्थायी कमिटी सदस्यहरूले नयाँ संगठनात्मक सिद्धान्तको विकास गर्न पार्टी नेतृत्वलालई सुझाव दिएका थिए ।
बैठकमा १० वटा कार्यसूची छन् । जसमा प्रदेश अध्यक्षहरुबाट रिपोर्टिङ, राजनीतिक प्रतिवेदन पेश, प्रतिवेदनमा छलफल, अध्यक्ष प्रचण्डको जवाफ, आगामी कार्य योजना, कार्य विभाजन लगायत छन् ।