काठमाडौं । नेपाल कम्यूनिष्ट पार्टी (माओवादी केन्द्र) बागमती प्रदेश, उपत्यका विशेष प्रदेश र सम्पर्क समन्वय प्रदेशको संयुक्त समिक्षा बैठक तथा अभियान समापन कार्यक्रम आज काठमाडौंमा भएको छ । पुष २२ र २३ गते हुने भनिएको बैठक आज २२ गते जनता संग माओवादी विशेष रुपान्तरण अभियानको समिक्षात्मक रिपोर्ट भएको छ । वैठकमा अभियानका जिल्ला स्तरिय कोर्डिनेटर, जिल्लाका अध्यक्ष/संयोजक र अनुगमनमा खटिएका सदस्यहरुबाट रिपोर्ट राख्ने काम भएको छ । 

समग्र बागमती प्रदेशको जिल्लाहरुमा भएका कामको डाटागत रिपोर्ट अभियानको सचिवालयको तर्फबाट बागमती प्रदेशका अध्यक्ष सरल सहयात्रीले पेश गरेका छन । वैठक केन्द्रिय उप—महासचिव गिरीराजमणी पोख्रेलको अध्यक्षतामा बसेको छ । बैठकमा केन्द्रिय उपमाहासचिव वर्षमान पुन र केन्द्रीय उपमहासचिव तथा बागमती प्रदेश इन्चार्ज जनार्दन शर्मा, केन्द्रिय पदाधिकारी, केन्द्रिय सदस्य, केन्द्रीय सल्लाहाकार र आयोग सदस्यहरुको आतिथ्यता रहेको थियो । वैठकमा बागमती प्रदेश सदस्यहरु, उपत्यका विशेष प्रदेश समितिका सदस्यहरु, सम्पर्क समन्वय प्रदेशका सदस्यहरुको उपस्थिति थियो ।
साथै नेकपा माओवादी केन्द्र बागमती प्रदेशका पालिका अध्यक्षहरुलाई आमन्त्रित सदस्यको रुपमा निमन्त्रणा गरिएको थियो । बैठक भोली पुष २३ गते सम्पर्क प्रदेश, उपत्यका विशेष प्रदेशका अध्यक्षहरुको रिपोर्ट पछि फ्लोर ओपन गरेर बैठकमा उपस्थित सदस्यहरुबाट रिपोर्ट लिने र अन्तमा सम्माननीय प्रधानमन्त्री तथा माओवादी केन्द्रका अध्यक्ष पुष्प कमल दाहाल प्रचण्डको सम्बोधनका साथ समापन हुनेछ ।