काठमाडौँ । गणतन्त्र सेनानी कोषले गणतन्त्र स्थापनामा लागेका योद्धाहरूलाई सम्मान गर्ने भएको छ । कोषले आज  ‘गणतन्त्र सेनानी सम्मान २०८१’ कार्यक्रम गरी जनयुद्धका योद्धा र स्वतन्त्र मध्येबाट छनोट गरी १५ जनालाई सम्मान गर्न लागिएको कोषका अध्यक्ष समेत रहेका माओवादी बागमती प्रदेशका अध्यक्ष सरल सहयात्री पौडेलले जानकारी दिएका छन । 

पौडेलका अनुसार पहिलो चरणमा बागमती प्रदेशबाट सुरु भएर अन्य प्रदेशमा विस्तार हुनेछ । गणतन्त्र सेनानीलाई पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डद्वारा सम्मान गर्ने कार्यक्रम राखिएको पौडेलले जानकारी दिएका छन । सम्मान कार्यक्रम आज दिउँसो १२ बजे सांस्कृतिक संस्थान जमलमा हुनेछ।